சபரிமலை கோவில் செல்லும் ஐயப்ப பக்தர்களின் வசதிக்காக, சிறப்பு ரயில்கள் இயக்கப்படும் என்று தெற்கு ரயில்வே அறிவித்துள்ளது.
சிறப்பு ரயில்கள், இயக்கப்படும் வழித்தடம், நாள் உள்ளிட்ட விவரங்களுடன் தெற்கு ரயில்வே வெளியிட்டுள்ள செய்திக்குறிப்பு:
கொல்லம்-காக்கிநாடா (வண்டி எண்:07212) இடையே சிறப்பு கட்டண ரயில் நவ. 17, 21, 25 தேதிகளில் காலை 10 மணிக்கு கொல்லத்தில் இருந்து புறப்படும். சென்னை சென்டிரல்-கொல்லம்(06065) சிறப்பு ரயில் நவ. 16, 23, 30 ஆம் தேதிகளில் இரவு 8.30 மணிக்கு சென்னையில் இருந்து இயக்கப்படும்.
கொல்லம்-ஐதராபாத் (07110) சிறப்பு கட்டண ரயில் நவ. 23, 27 ஆம் தேதி, டிச. 1-ஆம் தேதி அதிகாலை 3 மணிக்கு கொல்லத்தில் இருந்து செல்லும். சென்னை சென்டிரல்-கொல்லம்(06063) சிறப்பு கட்டண ரயில், நவ. 17, 24 தேதிகளில், மாலை 4.15 மணிக்கு சென்னை சென்டிரலில் இருந்து இயக்கப்படும். மறுமார்க்கமாக கொல்லம்-சென்னை சென்டிரல்(06064) சிறப்பு கட்டண ரயில் நவ. 18, 25ஆம் தேதிகளில் மதியம் 3 மணிக்கு கொல்லத்தில் இருந்து இயக்கப்படும்.
சென்னை சென்டிரல்-திருவனந்தபுரம்(06047) சிறப்பு கட்டண ரயில் நவ. 21, 28ஆம் தேதிகளில் சென்னையில் இருந்து புறப்படும். கோவை-சந்திரகாச்சி(80824) சிறப்பு கட்டண ரயில் நவ. 8 ஆம் தேதி இரவு 9.45 மணிக்கு கோவையில் இருந்து செல்லும் என்று தெற்கு ரயில்வே தெரிவித்துள்ளது.
