அரியலூர் அருகே பேத்தியின் கண் முன்னே மினி லாரி மோதியதில் முதியவர் படுகாயம்-சி‌சி‌டி‌வி காட்சிகள்

அரியலூரில் மின்னல் வேகத்தில் தறிகேட்டு ஓடிய மினி லாரி ஒன்று பேத்தியின் கண் முன்னே முதியவர் மீது மோதியது தொடர்பான சி‌சி‌டி‌வி காட்சிகள் பார்ப்பவர்களை பதற வைத்துள்ளது. அரியலூர் பெரியார் நகரை சேர்ந்த முருகேசன் உடையார் பாலத்தில் உள்ள இந்தியன் வங்கியில் நகையின் மதிப்பீட்டாளராக பணியாற்றி வருகிறார். கடந்த ஞாயிற்று கிழமை இரவு அரியலூர் சின்னகடை தெருவில் உள்ள மருந்தகத்தில் பேத்தியுடன் மருந்து வாங்கிவிட்டு இருசக்கர வாகனத்தில் புறப்பட தயாராகியுள்ளார். அப்போது பின்னால் அதிவேகத்தில் வந்த மினி லாரி பேத்தியின் கண் முன்னே முதியவர் மீது மோதிவிட்டு நிற்காமல் சென்றது. இதில் முதியவர் படுகாயம் அடைந்தார். தாத்தா மீது மினி லாரி மோதியதை கண்ட சிறுமி பதறி அழுத காட்சிகள் சி‌சி‌டி‌வி கேமராவில் பதிவாகியுள்ளன.